Nel mezzo del cammin di nostra vita
mi ritrovai per una selva oscura
ché la diritta via era smarrita.

Ahi quanto a dir qual era è cosa dura
esta selva selvaggia e aspra e forte
che nel pensier rinova la paura!

Tant’è amara che poco è più morte;
ma per trattar del ben ch’i’ vi trovai,
dirò de l’altre cose ch’i’ v’ho scorte.

Io non so ben ridir com’i’ v’intrai,
tant’era pien di sonno a quel punto
che la verace via abbandonai.

Ma poi ch’i’ fui al piè d’un colle giunto,
là dove terminava quella valle
che m’avea di paura il cor compunto,

guardai in alto, e vidi le sue spalle
vestite già de’ raggi del pianeta
che mena dritto altrui per ogne calle.

Allor fu la paura un poco queta
che nel lago del cor m’era durata
la notte ch’i’ passai con tanta pieta.

E come quei che con lena affannata
uscito fuor del pelago a la riva
si volge a l’acqua perigliosa e guata,

così l’animo mio, ch’ancor fuggiva,
si volse a retro a rimirar lo passo
che non lasciò già mai persona viva.

Poi ch’èi posato un poco il corpo lasso,
ripresi via per la piaggia diserta,
sì che ’l piè fermo sempre era ’l più basso.

Ed ecco, quasi al cominciar de l’erta,
una lonza leggera e presta molto,
che di pel macolato era coverta;

e non mi si partia dinanzi al volto,
anzi ’mpediva tanto il mio cammino,
ch’i’ fui per ritornar più volte vòlto.

Int al mèż dal camén ed nòstra vétta
a m truvò int un bòsc bûr ch’an s vgnêva fòra;
parché là ai êra pêrs la strè ch’và drétta.

Ahi, quant a dîr cómm l’êra, zêrt l’acôra,
ste bòsc salvâdg pr i intrîg ed tótti äl sôrt,
che int al pensîr l arnôva la mî pòra!

L é tant amèr ch’l é pôc de pió la môrt:
mo par tratèr dal bän ch’a i truvò in zänter,
däl côṡ èlti a dirò, ch’a m sån acôrt.

A n sò gnanc dîr cómm am truvâs là dänter;
tant mé pén d sånn ai êra, d an tgnîr cånt,
ch’abandunò la vaira strè in cal mänter.

Ma dåpp ch’a fó arivè drî al pà d un månt,
dóvv ai finêva là cl’imänsa vâl,
ch’m avêva ed pòra al côr aflétt lé d frånt;

A guardò in èlt, e a vésst äl såu dåu spâl
ch’äli êren żå låur fté dai râż dal Såul,
che pr ògni strè al cundûṡ tótt sänza fâl.

La pòra alåura un pôc la m s calmò d våul,
dåpp ch’la m durò int al côr intànt ch’avé
pasè la nòt, ch’a suspirèva såul.

E come quall, che pén d angósstia al psé
scapèr dal mèr e méttres só int la rîva
ch’al s vôlta al’âcua e l guèrda inpauré;

Acsé d curâg’ la mî pôvr’ânma anc prîva,
la s vultò indrî a guardèr a cal brótt pâs,
che mâi l à vló lasèr persåṅna vîva.

E dåpp ch’avé arpuṡè al côrp mî int un mâs,
a turnò a tôr la strè dal månt deṡêrta,
acsé che l pà féss sänpr êra al pió bâs.

Ed äcco, quèṡi al prinzipièr só int l’êrta,
una lånnża acsé ṡvêlta inànz la vgnêva,
che d pail macè lî l’êra tótta quêrta:

Dala fâza mî mâi la sparêva;
anzi la srèva tant al mî camén,
ch’a fó, pió vôlt, par vgnîr indrî, cm as psêva.

«Per me si va ne la città dolente,
per me si va ne l’etterno dolore,
per me si va tra la perduta gente.

Giustizia mosse il mio alto fattore:
fecemi la divina podestate,
la somma sapienza e ’l primo amore.

Dinanzi a me non fuor cose create
se non etterne, e io etterno duro.
Lasciate ogne speranza, voi ch’intrate».

Queste parole di colore oscuro
vid’io scritte al sommo d’una porta;
per ch’io: «Maestro, il senso lor m’è duro».

Ed elli a me, come persona accorta:
«Qui si convien lasciare ogne sospetto;
ogne viltà convien che qui sia morta.

Noi siam venuti al loco ov’i’ t’ho detto
che tu vedrai le genti dolorose
c’hanno perduto il ben de l’intelletto».

Par mé as và int la zitè int al piant imêrsa,
par mé as và int al dulåur ch’al n à mâi fén,
par mé as và tra la żänt ch’l’é bèle pêrsa.

Giustézzia mòs al Sgnåur, pr al mî destén,
e am fabricò qué pôrta ed tótt l Infêren,
dla Santa Trinitè al gran vlair divén.

Dinànz a mé di quî ch’i n fóssn etêren
creè an s n é mâi, e etêrna a sån con låur:
lasè äl sperànz vó tótt, ch’a vgnî int l intêren!

Mé, tótti stäl parôl ed brótt culåur
a i vésst lé scrétti in zémma a sta gran pôrta;
par quasst mé: “Masstr, al säns cm al métt teråur”.

E ló con mé, cme persåṅna acôrta:
“Ma qué as cunvén lasèr ògni suspèt;
ògni viltè l cunvén ch’la séppa môrta.

Nó a sän vgnó qué int al sît, tant brótt d efèt,
duv a t ò détt, che t vdrè dla vèga żänt,
ch’l’à pêrs al bän par sänper dl intelèt”.

La bocca sollevò dal fiero pasto
quel peccator, forbendola a’capelli
del capo ch’elli avea di retro guasto.

Poi cominciò: «Tu vuo’ ch’io rinovelli
disperato dolor che ’l cor mi preme
già pur pensando, pria ch’io ne favelli.

Ma se le mie parole esser dien seme
che frutti infamia al traditor ch’i’ rodo,
parlar e lagrimar vedrai insieme.

Io non so chi tu se’ né per che modo
venuto se’ qua giù; ma fiorentino
mi sembri veramente quand’io t’odo.

Tu dei saper ch’i’ fui conte Ugolino,
e questi è l’arcivescovo Ruggieri:
or ti dirò perché i son tal vicino.

Che per l’effetto de’ suo’ mai pensieri,
fidandomi di lui, io fossi preso
e poscia morto, dir non è mestieri;

però quel che non puoi avere inteso,
cioè come la morte mia fu cruda,
udirai, e saprai s’e’ m’ha offeso.

La båcca al livò só dal schivåuṡ pâst
cal gran pcadåur, antandla só i cavî
dla tèsta, che l dedrî l avêva guâst;

pò l prinzipiò: “Té t vû ch’a dégga i mî
dulûr tant dsprè, che al côr i m dan turmänt,
pensandi såul, inànz ch’dscårra ed quî.

Ma se l parôl mî äli an pò da èser smänt
ch’la frûta infâmia al traditåur ch’a mâgn,
dscårr-r e zighèr t am vdrè int l istàss mumänt.

Mé a n sò chi t sépp, e a n sò con chî tû pâgn
in ch’môd t î vgnó qué żå; ma Fiurintén
quand qué mé t sént a dscårrer t pèr cunpâgn.

T è da savair ch’a fó l cånt Ugulén,
e Ruggier l arzivàsscuv l é quasst qué:
e qué a t dirò parché mé a i sån avṡén.

Che par l efèt di brótt pensîr ch’l avé,
fidàndum d ló, ch’a fóss ciapè, e dåpp môrt,
qué pròpri an i é biṡåggn ch’a l dégga mé.

Però quall che t n arè intaiṡ dla mî sôrt,
cioè cómm la mî môrt la fó tant crûda,
t sintrè, e t sarè se ufaiṡ al m à ló fôrt.

Ahi serva Italia, di dolore ostello,
nave sanza nocchiere in gran tempesta,
non donna di province, ma bordello!

Quell’anima gentil fu così presta,
sol per lo dolce suon de la sua terra,
di fare al cittadin suo quivi festa;

e ora in te non stanno sanza guerra
li vivi tuoi, e l’un l’altro si rode
di quei ch’un muro e una fossa serra.

Cerca, misera, intorno da le prode
le tue marine, e poi ti guarda in seno,
s’alcuna parte in te di pace gode.

Che val perché ti racconciasse il freno
Iustiniano, se la sella è vota?
Sanz’esso fora la vergogna meno.

Ahi gente che dovresti esser devota,
e lasciar seder Cesare in la sella,
se bene intendi ciò che Dio ti nota,

guarda come esta fiera è fatta fella
per non esser corretta da li sproni,
poi che ponesti mano a la predella.

O Alberto tedesco ch’abbandoni
costei ch’è fatta indomita e selvaggia,
e dovresti inforcar li suoi arcioni,

giusto giudicio da le stelle caggia
sovra ’l tuo sangue, e sia novo e aperto,
tal che ’l tuo successor temenza n’aggia!

Ch’avete tu e ’l tuo padre sofferto,
per cupidigia di costà distretti,
che ’l giardin de lo ’mperio sia diserto.

Vieni a veder Montecchi e Cappelletti,
Monaldi e Filippeschi, uom sanza cura:
color già tristi, e questi con sospetti!

Vien, crudel, vieni, e vedi la pressura
d’i tuoi gentili, e cura lor magagne;
e vedrai Santafior com’è oscura!

Vieni a veder la tua Roma che piagne
vedova e sola, e dì e notte chiama:
«Cesare mio, perché non m’accompagne?».

Vieni a veder la gente quanto s’ama!
e se nulla di noi pietà ti move,
a vergognar ti vien de la tua fama.

E se licito m’è, o sommo Giove
che fosti in terra per noi crucifisso,
son li giusti occhi tuoi rivolti altrove?

O è preparazion che ne l’abisso
del tuo consiglio fai per alcun bene
in tutto de l’accorger nostro scisso?

Ché le città d’Italia tutte piene
son di tiranni, e un Marcel diventa
ogne villan che parteggiando viene.

Fiorenza mia, ben puoi esser contenta
di questa digression che non ti tocca,
mercé del popol tuo che si argomenta.

Molti han giustizia in cuore, e tardi scocca
per non venir sanza consiglio a l’arco;
ma il popol tuo l’ha in sommo de la bocca.

Molti rifiutan lo comune incarco;
ma il popol tuo solicito risponde
sanza chiamare, e grida: «I’ mi sobbarco!».

Or ti fa lieta, ché tu hai ben onde:
tu ricca, tu con pace, e tu con senno!
S’io dico ’l ver, l’effetto nol nasconde.

Atene e Lacedemona, che fenno
l’antiche leggi e furon sì civili,
fecero al viver bene un picciol cenno

verso di te, che fai tanto sottili
provedimenti, ch’a mezzo novembre
non giugne quel che tu d’ottobre fili.

Quante volte, del tempo che rimembre,
legge, moneta, officio e costume
hai tu mutato e rinovate membre!

E se ben ti ricordi e vedi lume,
vedrai te somigliante a quella inferma
che non può trovar posa in su le piume,

ma con dar volta suo dolore scherma.

Ahi, sêrva Itâglia, ed dṡgósst albêrg såul bèl!
Nèv sänza marinèr in gran tinpèsta!
Non sgnåura mâi d zitè, ma da burdèl!

Cl’ânma ed Surdèl la fó acsé prånta e lèsta,
såul pr al dåulz sån dla sô graziåuṡa tèra,
d fèri anc al sô conzitadén lé fèsta;

e adès da té pò i n stan sänza fèr guèra
tótt i tû vîv, e l ón con cl ètr as rôd
ed quî che såul un mûr e un fòs ai sèra.

Zairca bän, pôvr’Itâglia, se in quèlc môd
in rîva ai mèr e däntr äl tèr che t stan,
s’ai é quèlc pèrt in té che pèṡ la gôd.

Csa vèl, däl lażż al frêno ed Giustignàn,
se só int la sèla an i é mâi quall ch’al tròta?
Sänza al frêno i n arénn äl vargåggn ch’i an.

Ahi żänt, ch’aréss d èser acsé devòta,
e lasèr Zaiṡr a sêdr int la sô sèla,
s’t intànnd pulîd quall che l Vangêlo at nòta;

guèrda sta bîstia Itâglia s’l’é ribèla,
pr an èser mâi curèta da quèlc språn,
dåpp t i tgnéss äl bréi sänpr int la masèla.

O Albêrto Inperadåur, che t abandån
li-qué ch’l’é fâta acsé salvâdga e schièva,
e da muntèr t i aréss äl sèl da bån;

al giósst castîg däl strèl, che tant al grèva,
ch’al câsca só l sang tô, e sía nôv e avêrt,
tèl che l tô sucesåur timåur ai n èva!

Ch’avî parmàss sía té e tô pèder, zêrt,
par l’avarézzia ed stèr tótt là, custrétt,
che l bèl żardén d Itâglia al sía deṡêrt.

Vén a vaddr i Montécc' con i Caplétt,
i Munèld e i Flipéssc, òm sänza cûra;
quî i én żà trésst, e quíssti i sran scunfétt.

Vén, crudêl, vén e vadd qué la tortûra
di tû bî Sgnåuri, e cûra äl såu magâgn;
e Santafiåur t la vdrè cum l’é sicûra.

Vén bän a vàdder Råmma ch’l’é int un bâgn
ed lègrum, vaddva, e dé e nòt la ciâma:
O Zaiṡer mî, parché t an m acunpâgn?

Vén a vàdder la żänt quant lî la s âma:
e se pietè d nó infén pò gnént at môv,
a vergugnèr té t vén anc dla tô fâma.

E, se permàss al m é, o gran Dío Giôv,
che t fóss per nó qué in tèra cruciféss,
èni vultè i ûc’ tû là int un månnd nôv?

O l’é preparaziån ch’t fè int l abéss
dal tô cunséi, per méttr un bän infén
ch nó a n al psän intànnder cum l é méss?

Perché sti sît d Itâglia i én tótt pén
d tirân; e un Òmen d guêren zêrt al dvänta
ògni vilàn che partegiànd al vén.

Fiuränza mî, t pû èser bän cuntänta
ed ste ṡviamänt tant grand che mâi an t tåcca,
grâzia al tô pòpl acsé ch’al s argumänta!

Tant i an giustézzia in côr; ma tèrd l artåcca
l èrc da scatèr pr an vgnîr sänz’un cunséi;
ma l pòpol tô l é giósst col dîr dla båcca.

Tant i rifiûtn i pòst ch’a se stà méi;
ma l pòpol tô sänz’anc ciamèr l arspånnd
e l ûrla: “A m sotométt e a n fâg ṡgunbéi”.

Té bän cuntänta incû t è da èsr in st’månnd:
té récca, té con pèṡ, té con inżàggn:
s’a dégg quall ch’é, l efèt a n al nascånd.

Atên e Spèrta, che con tant inpàggn
äl fénn äl lażż, e i pòpl acsé zivîl,
al vîver bän äl fénn un péccol saggn

Vêrs té, che t fè tant giósst e tant sutîl
provedimänt, che d nuvàmmbr a metè
an żónnż mâi quall che té in utåbber t fîl.

Quanti vôlt, s’t arcôrd bän dal tänp pasè,
ufézzi, lażż, munaid e tant custómm
t è mudè, e fåurm ed guêren t è arnuvè!

E, se té bän t arcôrd e t vadd lómm,
té t vdrè l istassa ed cl’amalè, puvratta,
ch’l’an pôl truvèr mâi pòṡa só int äl piómm,

Ma ch’la s difànnd dal mèl prilandi invatta.

Qual si partìo Ippolito d’Atene
per la spietata e perfida noverca,
tal di Fiorenza partir ti convene.

Questo si vuole e questo già si cerca,
e tosto verrà fatto a chi ciò pensa
là dove Cristo tutto dì si merca.

La colpa seguirà la parte offensa
in grido, come suol; ma la vendetta
fia testimonio al ver che la dispensa.

Tu lascerai ogne cosa diletta
più caramente; e questo è quello strale
che l’arco de lo essilio pria saetta.

Tu proverai sì come sa di sale
lo pane altrui, e come è duro calle
lo scendere e ’l salir per l’altrui scale.

E quel che più ti graverà le spalle,
sarà la compagnia malvagia e scempia
con la qual tu cadrai in questa valle;

che tutta ingrata, tutta matta ed empia
si farà contr’a te; ma, poco appresso,
ella, non tu, n’avrà rossa la tempia.

Di sua bestialitate il suo processo
farà la prova; sì ch’a te fia bello
averti fatta parte per te stesso.

Lo primo tuo refugio e ’l primo ostello
sarà la cortesia del gran Lombardo
che ’n su la scala porta il santo uccello;

ch’in te avrà sì benigno riguardo,
che del fare e del chieder, tra voi due,
fia primo quel che tra li altri è più tardo.

Con lui vedrai colui che ’mpresso fue,
nascendo, sì da questa stella forte,
che notabili fier l’opere sue.

Non se ne son le genti ancora accorte
per la novella età, ché pur nove anni
son queste rote intorno di lui torte;

ma pria che ’l Guasco l’alto Arrigo inganni,
parran faville de la sua virtute
in non curar d’argento né d’affanni.

Le sue magnificenze conosciute
saranno ancora, sì che’ suoi nemici
non ne potran tener le lingue mute.

A lui t’aspetta e a’ suoi benefici;
per lui fia trasmutata molta gente,
cambiando condizion ricchi e mendici;

e portera’ne scritto ne la mente
di lui, e nol dirai»; e disse cose
incredibili a quei che fier presente.

Poi giunse: «Figlio, queste son le chiose
di quel che ti fu detto; ecco le ’nsidie
che dietro a pochi giri son nascose.

Non vo’ però ch’a’ tuoi vicini invidie,
poscia che s’infutura la tua vita
vie più là che ’l punir di lor perfidie».

Cómm al s n andò un dé Ipòlit vî d Atên
per la madraggna pêrfida e spietè,
partîr da Fiuränza acsé at cunvén.

Quasst as vôl, e da un pèz quasst l é zerchè,
e prèst al srà fât, da chi quasst al pänsa
là dóvv däl côṡ divéṅni as fà merchè.

La cåulpa la s darà ai ufîṡ, e imänsa,
cómm anc l’é uṡanza ed dèr: ma la vendatta
la srà tstimòni al vair ch’la la dispänsa.

Ògni pió chèra côṡa, fén bendatta,
t la lasarè; e quasst l é cal cåulp murtèl
che l èrc dl eṡélli prémma ló at sajatta.

Té t pruvarè pò acsé cómm al sà d sèl
al pan di èter, e cómm l’é dûra anc la strè
dal sändr e dal salîr pr äli ètri schèl.

E quall pió d paiṡ che såura l spâl t arè,
i sran i tû cunpâgn malvâg’ e siûc,
che con låur in st’eṡélli t cascarè;

e i Bianc ingrèt, tótt mât, o in tant o in pûc
tótt cåntra i t sran, ma dåpp a ste suzès
såul låur, non té, i sran róss ed sangv cme l fûg.

Dla sô bestialitè al sô brótt pruzès
la prôva ló ai farà, che acsé at srà bèl
èsret méss in dispèrt dai sû interès.

La prémma cà tô, ch’la t farà d capèl,
la srà la corteṡî dal gran Lunbèrd,
che só int la Schèla al pôrta al sant uṡèl;

Ch’l arà sänpr in té acsé benéggn riguèrd,
che, dal fèr e l dmandèr, tra vuèter dû,
al srà prémm quall che d sòlit l é pió tèrd.

Con ló té t vdrè al fradèl, Cangrànd, quand t vû,
ch’al fó acsé inprès, nasànd, d sta strèla ed Mèrt,
ch’i sran nutâbil tótt un dé i gèst sû.

An s n é al månnd gnanc acôrt, per bän spieghèrt,
per la sô żåuvna etè, perché nôv ân
l é såul che l gîrn äl rôd dal zîl d sô pèrt.

Ma prémma che Clemänt int un ingân
al métta al gran Arîg, sintéll d virtó
i apariràn dsprezànd arżänt e afân.

Äl såu magnifizänz äl sran cgnusó
da tótt, acsé che fén i sû nemîg
i n pran stèr zétt e sänpr i dscur-ràn d ló.

Afîdt ai benefézzi sû d amîg;
per ló pò ai srà canbiè in dimónndi żänt
la cundiziån di pôvr e récch antîg;

Té d ló t al purtarè scrétt int la mänt,
ma t n al dirè; e al déss côṡ eṡagerè
in môd d an craddri s’as fóss stè preṡänt.

Pò l déss anc: Fiôl, quassti i én äl côṡ spieghè
d quall ch’at fó détt; ed äcco äl gran insîdi
ch’s prepèrn a té in pûc ân ch’i én arpiatè.

A n vói par quasst che i cunztadén t i invîdi,
perché t vivrè dimónndi dåpp cal dé
ch’i sran tótt castighè däl såu perfîdi.

Quattro angioloni co le tromme in bocca
Se metteranno uno pe cantone
A ssonà: poi co ttanto de vocione
Cominceranno a dì: “Fora a chi ttocca”.

Allora vierà su una filastrocca
De schertri¹ da la terra a ppecorone,
Pe ripijà ffigura de perzone
Come purcini attorno de la biocca².

E sta biocca sarà Dio benedetto,
Che ne farà du’ parte, bianca, e nera:
Una pe annà in cantina, una sur tetto.

All’urtimo uscirà ’na sonajera
D’angioli, e, come si ss’annassi a letto,
Smorzeranno li lumi, e bona sera.

Al Giudézzi universèl

Quâter anżlón con un trunbån in båcca
i andràn a métters ai quâter cantón
a sunèr, e pò dåpp, pugè i trunbón,
a gran våuṡ i diràn: “Fòra a chi tåcca!”

E alåura, sänza fèr inción armåur,
pr avair ed nôv na zîra da cristiàn,
tantéssum schîlter i s amuciaràn
cumpâgna pîguer con al sô paståur.

E al paståur al srà pròpri al Pedretêren,
che in bianc e in nîgher ai dividrà:
pr andèr in paradîṡ o al infêren.

Un cunzêrt d ànżel al concludrà
la fèsta, e dåpp, in quâter e quâtr òt,
i ṡmurzaràn la lûṡ, e bôna nòt.

Ah, ddunque, pperché nnoi nun negozziamo
E nnun avémo manco un vaso ar zole,
Lei vorebbe conchiude in du' parole
Che le gabbelle noi nu le pagamo?
Le pagamo sur pane che mmaggnamo,
Sur panno de le nostre camisciole,
Sur vino che bbevémo, su le sòle
De le scarpe, e sull'ojjo che llogramo.
Le pagamo, per dio, su la piggione,
Sur letto da sdrajacce, e su li stijji
Che ssèrveno a la nostra professione.
Le pagamo (e sta vergna è la ppiù ddura)
Pe ppijjà mmojje e bbattezzà li fijji
E pper èsse bbuttati in zepportura

L’I.V.A.

E alåura, se a n sän brîṡa di budghèr
e a n avän gnanc un ôrt o un vaniżén,
ló al vrêv sustgnîr con mé che di quatrén,
par l’IVA, mé a n sån brîṡa tgnó a paghèr?
A la pagän, e tanta, såura al pan,
såura la stòfa däl nòstri camîṡ,
såura al curâm däl schèrp, e såura al rîṡ,
e såura l òli, e såura al vén ch’a bvän.
E an bâsta brîṡa. L’IVA a la pagän
såura al lèt, la sô quêrta e al sô linzôl,
e såura i pûc guadâgn dla profesiån.
A la pagån – e la côsa l’é udiåuṡa -
s’a s maridän o quand a i nâs un fiôl,
e infén pr andèr suplé ala Zartåuṡa.

Un Gatto, che faceva er socialista
solo a lo scopo d’arivà in un posto,
se stava lavoranno un pollo arosto
ne la cucina d’un capitalista.

Quanno da un finestrino su per aria
s’affacciò un antro Gatto: - Amico mio,
pensa - je disse- che ce so’ pur’io
ch’appartengo a la classe proletaria!

Io che conosco bene l’idee tue
so’ certo che quer pollo che te magni,
se vengo giù, sarà diviso in due:
mezzo a te, mezzo a me... Semo compagni!

- No, no: rispose er Gatto senza core -
io nun divido gnente co’nessuno:
fo er socialista quanno sto a diggiuno,
ma quanno magno so’ conservatore!

Un gât, ch’al s profesèva sozialéssta
par psair magnèr e méttr al cûl a pòst,
al dèva di muṡgût a un pèz d aròst
int la cuṡéṅna d un capitaléssta.

Da un bèl luminarôl ch’l êra só pr âria
s afazé un èter gât: - Ehi, dî só, té!
Pänsa (al i déss) ch’a i sån, qué só, anca mé
e che a fâg pèrt dla “Classe Proletaria”.

Cal bèl aròst che té t i drî a magnèr,
s’a intêrpret bän pulîd äl tåu idéi
e a vén lé żå, a fän a mèż ch’l é méi:
a sån un tô cunpâgn, an te dscurdèr!

- T è capé mèl (l arspåuṡ sänza guardèri).
Mé a n stâg a mèż d ignínta con inción:
a fâg al sozialéssta quand a dżón
mo quand a mâgn a sån reazionèri!

Un anno fa, li ventisei d’aprile,
un Gatto Nero fu trovato morto
coll’occhi spalancati e er muso storto,
accanto a la fontana der cortile.

Tutti l’appiggionanti, a la finestra,
parlaveno der fatto. - Che peccato!
- Quant’era bravo! - fece l’avvocato.
- Quant’era bono! - fece la maestra.

- Quer cane-lupo nun m’ha mai convinto... -
disse er dentista der secondo piano.
- Er caso, certo, se presenta strano...
- disse er pretore, ch’abbitava ar quinto -

In ogni modo escludo l’assassinio... -
E, in questo, comincianno dar portiere,
ereno tutti quanti d’un parere
benché la casa fusse in condominio.

E pe’ deppiù se misero d’accordo
de pagà mezzo litro a lo scopino
che seppellì la bestia ner giardino,
con un mattone sopra pe’ ricordo.

Ma er tempo vola, sfoja er calendario,
strappa li giorni, frulla li pensieri,
e li rimpianti, spesso e volentieri,
sfumeno prima de l’anniversario.

A un anno de distanza è naturale
che nessuno ritorni co’ la mente
a quela pover’anima innocente
finita così presto e così male.

Ma er capo de li Sorci, giù in cantina,
commemora l’eroe ch’ebbe er coraggio
de rosicà quer pezzo de formaggio
avvelenato co’ la strichinina.

Dice: - V’aricordate? Oggi fa l’anno.
“Compagni! - ce strillò - la morte mia
sarà la vita vostra!” E scappò via
co’ la speranza d’incontrà er tiranno.

Fu affare d’un minuto. Appena uscito,
er boja Micio l’infrociò ar cantone:
una stranita, un mozzico, un boccone...
E tutto annò com’era stabbilito. -

Ecco perché, li ventisei d’aprile,
un Gatto Nero fu trovato morto
coll’occhi spalancati e er muso strorto,
accanto a la fontana der cortile.

Incû l é un ân, l êra al quatôrg’ ed mâż,
un gatâz naigher al fó truvè môrt
con i ûc’ avêrt e al gróggn malnàtt e stôrt
ataiṡ ala funtèna dal palâz.

Tótt i incuilén, curiûṡ, da fnèstra a fnèstra
i dscurêven dal fât. - Quassti i én bujèt,
cum l êra brèv! (al gêva l’avuchèt
ch’al i purtèva sänpr un pcån ed mnèstra).

- Cal brótt can låuv a mé an m à mâi cunvént...
(al gé al dintéssta ch’stèva al secånnd pian).
- Quasst qué l é un chèṡ ch’l é da studièr da bån
(al gé al pretåur dl apartamänt al quént)

in tótt i môd a esclûd ch’sía un asasénni...
E in quasst, con al parair dal purtinèr,
i s atruvénn d acôrd sänza fiatèr
sebän che al sît al fóss un condoménni.

E pò, par żónta, i s miténn anc d acôrd
ed paghèr un mèż lîter a un bechén
ch’al suplé al gatâz naigher in żardén
con una prêda in vatta par arcôrd.

Mo al tänp al scâpa, al sfójja al calendèri,
al s mâgna i dé dala matéṅna a sîra
e anc i rinpiànt, as sà, spass e vluntîra
i våulen vî prémma dl aniversèri.

Incû l é pasè un ân. L é naturèl
che inción ed chi incuilén èva pió in mänt
cla bonânma ed cal gât, pôvr inuzänt,
môrt acsé żåuven e finé acsé mèl.

Mo al sénndic di pundghén, là żå in cantéṅna,
al comêmora al påndg ch’l avé al curâg’
d pasèr ataiṡ al gât e ai sû parâg’
dåpp avair tôlt un cuciarén d stricnéṅna.

Al dîṡ: - Póndg, v arcurdèv? Incû l é un ân.
“Cunpâgn! (al se strilé) che la môrt mî
séppa la vétta vòstra!”. E al scapé vî
aviàndes vêrs la båcca dal tirân.

Al suzdé in un minûd. Apanna lé
al gât al le fé andèr int un cantån:
quâter ṡgranfgnût, un mòṡg... e con un pcån
incôsa andé cum l êra stabilé.

Ècco parché, al dé quatôrg’ ed mâż,
un gatâz naigher al fó truvè môrt
con i ûc’ avêrt e al gróggn malnàtt e stôrt
ataiṡ ala funtèna dal palâz.

A dscorr mel, t'é rason, mo quand us drova
E' linguagg naturel d'e' mí paes,
A m'intend e' dialett santalbertes,
E' bsogna riferil coma ch'us trova.

Vut di citrullo, una parola nova,
Invezi d' di balusa longh e stes?
E' sarebb coma dscorrar in chines
E st'an n'e' i credd, passa i Tripont e prova!

A dscorr mel, t'é rason, mo t'capirí
Che al parol, adruvedi in sta manira
Al n'è l'imagin d'una purcarí.

Da nò st'al parulazi al s'dis vluntira,
Senza malizia e senza ipucrisí
E s'am tira al sassè, lassa ch'i tira!

Parulâzi

A dscårr mèl, t è raṡån, mo quand s adrôva
al linguâg’ naturèl dal mî pajaiṡ,
a m intànnd al dialàtt ciamè bulgnaiṡ,
biṡåggna riferîrel cum al s trôva.

Vût dîr “citrullo”, una parôla nôva,
invêzi ed dîr “tanpêrla” lóng e dstaiṡ?
Al srêv cunpâgna dscårrer in cinaiṡ
e, s’t an i cradd, và int al Pradèl e prôva!

A dscårr mèl, t è raṡån, mo da cla vî
a vói dîr che äl parôl ed sta manîra
i n én l’imâgin d una purcarî.

Int al mî bèl dialàtt as dîṡ vluntîra
stäl parulâzi, sänza ipocriṡî,
con ânum inuzänt, matéṅna e sîra.