Al Cåurs ed Bulgnais 2003

Giovedì 9 maggio 2002 si è tenuta l'ultima lezione del Corso di Bolognese, che ha attirato su di sé tantissima attenzione, ed è stato addirittura filmato e pubblicizzato da RAI 3, con interviste agli allievi.
Gli allievi si sono diplomati presentando una frase a testa, ma qualcuno ha anche proposto una zirudèla o una poesia. Ecco il materiale pervenutoci, con un bravo a tutti i partecipanti!

- AGOSTINI M.Carmela: Bulåggna l'é bèla parché quand al piôv an sêruv brîṡa l'unbrèla.
- BASILI Beatrice: Mé a n sån brîṡa ed Bulåggna, a sån ed Piaṡänza… Però a sån dimónndi cuntänta ed vîver a Bulåggna, parché l'é al sît pió bèl ed tótt l Univêrs!
- CALZONI Antonio: Mé a sån nèd a Bulåggna, mo a n sån brîṡa bån ed scrîver al dialàtt: che vargåggna!
- CAMPI Fabio: Se nuèter a dscurän in dialàtt, a s arcurdän ed quî ch'i an fât la stòria ed Bulåggna!
- COMELLINI Marisa: La pió bèla invenziån dal 2002 l'é stè al cåurs ed dialàtt.
- DEROSAS Anna Maria: Fenalmänt ai ò incuntrè dla żänt ch'i sénten dal gósst pr al dialàtt bulgnaiṡ!
- DE VALLIER Marco: A sån cuntänt ed psair inparèr al dialàtt ed sta bèla zitè.
- DI NINO Daniele: Mo adès ch'a i päns… äl fâz… äl våuṡ… la vétta in dialàtt… mé a n sò brîṡa dîr: lûṡ e åmmber ed
strómma e d żûg…
- FRANCHINI Federico: A sån pròpi cuntänt d avair studiè al bulgnaiṡ con di profesûr fòra d miṡûra e preparè, ch'i m an
insgnè ed dscårrer e scrîver pulidén.
- FRANCHINI Gloria: Mé ai ò un bel gât. Tigre l é al sô nómm, al tâfia, al bavv, al żûga. Ló, anc, al fà la câca, int la
ṡgadézza (insåmma, al sô urinèri). L é un turmänt ala nòt, parché an stà brîṡa fairum e biṡåggna ch'a l sèra int al gabinàtt. Ma mé a i vói un bän dl'ânma!
- FIORENTINI Barbara: Am pèr d insugnèr: a sån bulgnaiṡa e a n sò brîṡa dscårrer in dialàtt!
- FORNI Laura: A sån arivè ala fén dal cåurs ed dialàtt bulgnaiṡ. Mo parché òja prinzipiè? Pänsa, pänsa! Ai ò pinsè a mî
nòna. La n é brîṡa nustalgî: mî nòna l'é sänper mîg. Mo quand lî la gêva che da cinéṅna la "parèva só äl vâc", anca mé a vlêva parèr só äl vâc, parché ste môd ed dîr am parêva acsé bóff, acsé alżîr, mo int l istàss tänp acsé inpurtànt e sêri. E pò mé a sån ed Bulåggna, e ai ò da cgnósser al dialàtt dla mî zitè!
- GRAZIA Michele: Al n é pròpri brîṡa un schêrz lèżer in dialàtt: mo mé a dégg ch'l é bèl strulghèr däl parôl par scrîver bän.
- GRAZIANO Daniela: A sån pròpri cuntänta d avair tachè a dscårrer in bulgnaiṡ.
- KASSAPIDIS A.: Ai ò ṡméss ed bâter såura al fèr parché l é dvintè fradd.
- LELLI Amos: An avair pôra! S't è såul zéncv int al regésster, t pû guintèr anc prémm minésster.
- LUSINI Marco: Al can ch'l invcéss, la våulp la i péssa adòs.
- MARCHESI Carlo: Stasîra a vâg a teâter.. Méi: stasîra a vâg a studièr. Méi: stasîra a vâg a studièr a teâter. Pusébbil? Sé,
parché a vâg al teâter Alemân par studièr al bulgnaiṡ.
- MARCHI Massimo: Mé a sån nèd såtta al pûr zîl ed Bulåggna.
- MASETTI Paola: L'é una melodî antîga, l'é la våuṡ dla mî nòna.
- MONTAGUTI Tino: Dimónndi i muṡgarénn, s'i avéssen i dént.
- MUREU Silvia: Ai ò inparè a ascultèr, ch'l é inpurtànt: pò dåpp par dscårrer ai é sänper dal tänp, cunpâgna par paghèr e
andèr da Brèṡa.
- NICCOLAI Andrea: Al mî insónni: dsgnèr! E sicómm ch'a sån bulgnaiṡ, biṡåggna ch'a inpèra a dsgnèr in bulgnaiṡ.
- OGNIBENE Piergiorgio: Ai ò una gran vójja ed dscårrer in bulgnaiṡ, mo al n é brîṡa fâzil! Al fât l é ch'ai ò da inparèr
dimónndi, mo a l fâg con piaṡair, parché am pièṡ äl längv.
- PALLOTTI Carla: Äl dòn äli an da fèr al dåppi d fadîga par èser aprezè la metè di òmen. Par furtóṅna al n é brîṡa difézzil.
- PANDOLFINI Alessandro: L'inteligiänza l'é cunpâgna la marmelèta: pió t in è, manc t l'è da dstànnder
- PU Helios: Dal dialàtt prémma dal cåurs a n cgnusêva gnanc l udåur, mo adès a sån dvintè un mândig, par mêrit dal nòster
brèv profesåur.
- RAVASINI Lisa: La żänt i m gêven sänper: "Té t î nèda tròp tèrd par psair cultivèr i tû gudiû, såuratótt al bulgnaiṡ". Mo
adès, invêzi, se un quelcdón l um dîṡ quèl acsé, a pòs arspånndri: "Al n é brîṡa vaira, adès ai é Bertén, e ló l insaggna al bulgnaiṡ a quî ch'i
al vôlen inparèr, żûven o vîc'!
- SERMENGHI Sandro: Trî i én pió che dû / Pió socuànt prasû
- ZACCHINI Luciana.: Prémma ed dvintèr tròp vècia a vói inparèr pulîd al bulgnaiṡ!
- ZOLI Carlo: Savair lèżer al lîber dal månnd.

Cånpit dla fén dal Cåurs
(maiṡ ed mâż dal dåumélla e dû)
(Amos Lelli / Âmos d Lèli)

Zirudèla, quant ân fà
i m an dè i cónpit par cà?
Dío, che bûrsa, mo che nójja
e an um vgnêva mâi la vójja.

Mo stavôlta a i fâg vluntîra,
a tâc sóbbit, vî d carîra.

I s an détt ed fèr un dscåurs,
dîr la nôstra in vatta al Cåurs.
Bän, par mé l é stè una blazza,
d un bèl pèz såura al'altazza
che in prinzéppi as psêva cràdder.
Quèṡi sóbbit s taché a vàdder
che anc al "môd lesicogrâfic",
con al fèr un pôc serâfic
ed Robêrto, al profesåur,
(ch'al surîd con tótt i dént)
l é stè cèr e al s à cunvént.

Mo l pió bèl, pó, secånnd mé,
l'é stè l'intenziån (riusé)
d tgnîr la brégglia alänta, alżîra.
Robertino, con manîra,
al s à insgnè vuchèl e azént
"Tén la längua cåntra i dént
o se nå cåntr al palè".

Però inción s é mâi stufè
anc parché, dåpp l intervâl,
i mitêvn int al piedstâl
un artéssta che, in dialàtt,
rezitèva un sô sunàtt
o, mudèst e sänza bôria,
al s cuntèva la sô stôria.
Sänza dîr di sunadûr
e povêta cantautûr.

Acsé avän sintó, däl vôlt,
che int al dscårrer diṡinvôlt
anca låur i an détt un quèl
fôra, un pôc, dal sparadèl…
Mo, pió spass, a sän nuèter
ch'a vlän critichèr chi èter
e a pinsän (mo che anbiziûṡ!)
"Sént cm i dscårren: i én di ariûṡ".

Lâsa bän che ognón l adrôva
al dialàtt che ló al s artrôva;
la tô siänza lâsla fôra
sinchenå ló l s ciâpa pôra
e acsé at manda, té e al dialàtt,
a sunèr al clarinàtt.

An é gninta ragazû
s'a fè un ṡbâli, s'a in fè dû.

Gîl al żåuven e al anziàn:
t pû ṡbaglièr anc l itagliàn!

Gîl al nôn, gîl al anvåud:
csa t in fèt, pó, d un bèl våud?
S't è såul zéncv int al regésster
t pû guintèr anc prémm minésster!

Grâzie tant al profesåur
al bidèl, al diretåur.
Grâzie tant al segretèri
e a Gigén l intramurèri,
a Dagnêl, la nôstra siänza,
anc s'l à fât na quèlc asänza,
ai sculèr par l'adeṡiån,
grâzie al'urganiżaziån
ch'la s à dè sta bèla sèla.
Tòc e dâi la zirudèla.

1° livèl, 2° cåurs - 1° livello, 2° corso
Autón 2002 - Autunno 2002

Bacchi Reggiani Mariangela: Ai ò ciapè tótti stäl leziån ed dialàtt e, quand a dscårr, a dégg sänper däl gran bujè: mo adès a l capéss méi e l'é una bèla sudisfaziån!

Baschieri Roberto: An s pôl brîṡa capîr fén in fånnd Bulåggna e i bulgnîṡ s'an s cgnóss brîṡa al sô dialàtt (e la sô cuṡéṅna).

Cum i én bî i âlber!
Låur i n dmànden gnínt a inción.
Con un pô d âcua e un pô
ed sustanza ch'i tôlen dala tèra
i se ṡvilóppen es i dvänten grand.
Quand al såul al scòta tròp
andän al'ôra dal frâsc,
s'avän fâm a magnän i frût,
s'l é fradd a se scaldän con la laggna,
e såuratótt i s dan l uséggin par respirèr
in mèż a tótti cäl pózz che nuèter a mitän int l'âria.
Sîv mâi stè int un bòsc in autón,
quand ai é un tapaid ed fói?
In invêren l é incôsa bianc, con la naiv
tótt i armûr i én uvatè,
in premavaira ai é un'esploṡiån ed vétta,

in estè a i catän un pôc ed frassc.
E l'energî ch'i s dan såul a vaddri?
A s sintän sóbbit méi a stèri in mèż.
Nuètr òmen a in avän tajè di miglión di âlber,
an pinsànd brîṡa che sänza låur
a n prénn brîṡa canpèr.
I dîṡen ch'a sän la bîstia pió inteligiänta,
mo mé ai ò i mî dóbbit.
Quêrz, télli, acâg', pén e abîd,
a v vói pròpri un gran bän.
Mé a v vói ringrazièr tótt,
dal pió grand al pió cinén,
dal pió vèc' al pió żåuven.
Sperän che int l avgnîr avîdi un pô pió
ed cunsideraziån e rispèt.

I âlber i én di santuèri:
chi é bån ed dscårrer sîg,
chi é bån d ascultèri
al cgnóss la veritè.
(Herman Hesse)

Bitti Stefania:
A vrêv psair scrîver una frèṡ pulîd:
la râza bulgnaiṡa
la capéss al côr
dla żänt es la vôl bän
ala scuèdra dla sô zitè.

Bortolotti Silvia: A m ṡbagliarò, mo chi dscårr in dialàtt al pèr pió felîz.

Boschi Arnaldo: Adès a stâg a San Lâżer, da cínno a sån carsó in San Dunè; såncamé che l bulgnaiṡ a l ò inparè.

Bragaglia Marisa: Quand ai êra cinéṅna, con mé i dscurêven in itagliàn, parché al dialàtt l êra pruibé: adès mî pèder al srêv urgugliåuṡ ed mé!

Bruni Luana:
Bulåggna, un dé ed nuvàmmber dal dåumélla e dû

La parôla l'é vétta,
s't la sè lèżer e
s't la pû scrîver,
ai srà sänper
chi al la farà canpèr.

Bugetti Maria Novella: Turtlén ala Bulgnaiṡa - Par sî parsån avî da tôr: 100 g. ed lånnża ed ninén, 100 g. ed pèt ed tuchén, 100 g. ed parsótt, 50 g. ed murtadèla. Tridèr incôsa e métter int una cazarôla a cûṡer con un pôc ed brôd. Quand l é còt, cavèr vî dal fûg e inpastèr incôsa con 150 g. ed fåurma gratè, dåu ôv, sèl, pàvver e una gratadéṅna ed nûṡ muschè. Lavurèr l inpâst ed chèren e lasèrla apusèr. Adès fèr una spójja con 400 g. ed faréṅna e 4 ôv, e dstànnderla col matarèl, sutîla zîrca un milémmeter. Tajèr la spójja in di quadrétt ed zîrca 2 zintémmeter ed lè. In ògni quadartén métter un pôc ed pén. Pighèr la pâsta a triàngol stricànd pulîd i bûrd; pighèr adès al triàngol. I turtlén i an un savåur d na Bulåggna ch'la fà vgnîr äl lègrum ai ûc' dala felizitè... cunpâgna l dialàtt!

Cassani Maurizio: L agózz.
Una våuṡ par la strè... “Ai é l agózz, dòn!”.
Da luntàn ai arîva una pió fâta cariôla ch'la sustén una gròsa rôda ed prêda, con un rezipiänt d âcua, brîṡa tròp grand, méss in vatta a incôsa.
Tótt al nezesèri par lavurèr, ufizéṅna e banc, pr arudèr in tótt i cantón; l'é cucè inànz dal agózz!
Al lavurîr an manca brîṡa: cà, butaig, stramèż ai banchétt e i carétt ed piâza, såtta i pôrdg o däntr un curtîl al'åmmbra d un âlber; e tótt ste tarabaclèr par dèr al tâi a una móccia d uṡvéi.
Par fèr sti bî lavursén l adrôva däl mòl ed tótti äl miṡûr, fâti girèr da una gran rôda.
Ai pôl anc suzêder che un quelcdón al vójja inbrunîr al sô fèr, e äcco l agózz méttr in ôvra tótt al sô inżàggn, druvànd di ṡmarélli spezièl e dla carbunèla.
Ala sîra, pò, quand ai cminzéppia a fèr scûr, äl falésster äli arciâmen di ruglétt ed ragazû che, curiûṡ, i guèrden cómm s'i fóssen di fûg d artifézzi.
Dåpp a una giurnèta ed lavurîr, fenalmänt la nòt pr una bôna durmé, pr èser prónti e apusè par la matéṅna ch'ai vgnarà, e mitàndes in strè al ṡvarslarà: "Ai é l agózz, dòn!".
Int al dialàtt ai ò truvè
la mî vaira identitè,
e se a scrîver un pôc a zanpîg,
però a dscårrer a vâg pulîd.

Cattaneo Antonio: Al månnd incôsa as arbèlta: una vôlta l êra ignuranza an savair brîṡa l itagliàn, incû l é ignurànt quall ch'an cgnóss bṡa bän al dialàtt.

Cioffi Lucia:
Par òt stmèn ai ò fadighè
e al tänp ala mî famajja ai ò rubè,
mo una bèla esperiänza ai ò pasè
e fenalmänt ed lèżer ai ò inparè!
Ai vlêva pròpri i Alemân par fèrum da capîr
parché mî mèder a tèvla la m gêva: "Sarâca, t è da finîr!".

Costa Giancarlo: Par chi n é brîṡa d Bulåggna, métter insàmm una frèṡ in dialàtt l é un têrn al lòt: bän e spass ai vén fòra un bèl arlòt.

Cotti Elvira: I sran bî al franzaiṡ, al tudàssc e l inglaiṡ: mo al pió senpâtic l é sänper al dialàtt bulgnaiṡ.

Cristiani Roberta: In cal mänter ch'a fâg al ragó con la pistinèga, al pondôr e la zivålla, a m arcôrd dla scôla ed bulgnaiṡ di Alemân.

Daghia Davide: Mé a sån nèd a Bulåggna, e a vói dscårrer in Bulgnaiṡ!!

De Franceschi Lisa: Quall ch'am pièṡ de pió dla längua dla mî zitè, äli én cäl parôl e espresiån ch'äl san ed brazadèla dla nòna, e che in itagliàn äli an tótt un èter savåur... äli én s-ciavvdi. Al n é pió savuré dîr: sarâf, strumnè, arvajja, pistinèga, fangåuṡi, sulfanèr, o cómm al gêva mî nòn invêzi che "fagioli", bunbardîr? Vó l savîv che a Bulåggna an s môr brîṡa? As pîga i uṡvéi! Al dialàtt al s insaggna a rédder d incôsa, anc di quî sêri.

Delli Maria Francesca: In cà mî, vṡén al camén ai ò la televiṡiån. A la guèrd tótt i dé, parché a mé am divartéss i còmic.

Derario Berardino: Puvrén cl òmen ch'an sà brîṡa dscårrer in dialàtt, parché l é cme una tèvla sänza ganb.

Dovesi Maurizio: An m intarèsa brîṡa ed dscår-rel con grandi pretaiṡ, però a srêv felîz ed lèżer pulîd al bulgnaiṡ.

Elia Giovanna: A sån cuntänta da bån d èser stè a ste cåurs ed dialàtt bulgnaiṡ. Mé a cgnusêva såul un pôc al dialàtt; adès a l capéss de pió es a prôv anc ed dscårrer un pôc in dialàtt. Ai ò inparè däl parôl vèghi, cunpâgna la pistinèga, al sàrrel e al radiṡén.

Ferrari Maurizio: Ògni tant, mé ch'a sån dla periferî a véggn a Bulåggna ala nòt, e am vén da pinsèr: s'l'é tante bèla acsé antîga, cum la gêva èser bèla apanna fâta! Acsé a m imâżin Piâza Mażåur col caròz a cavâl e äl biziclàtt d na vôlta, in st mänter che la żänt só i pirû ed San Ptròni i dscårren in bulgnaiṡ.

Fini Marcello: A mé an um pièṡ brîṡa d amazèr äl bîsti, acsé a mâgn såul dla verdûra: pistinèg, pondôr e zuchétt, mo såuratótt arvajja e faṡû.

Franchini Fabio: 1) Mé a sån stè pròpri cuntänt d avair partezipè a ste cåurs che qué, parché a pinsèva ed savair bän al bulgnaiṡ, invêzi ai ò avó dimónndi da inparèr. L é stè brèv al profesåur, al parêva Alberto Manzi ala televiṡiån. 2) A m sån inzanplè int al sturén es a m sån fât mèl al żnòc'. Acsé ai ò inpiè la lómm es ai ò zarchè la scrâna ch'l'êra såtta la tèvla, e a m sån méss a sêder.

Galli Pier Francesco: Al piôv sänper in vatta al mói, mo s'l é invêren e ai é un bûṡ int al sufétt, alåura té et ciâp sóbbit un caplén: acsé l'é la vétta!

Gerbore Giuseppe: Sperän che i żûven bulgnîṡ d incû i tâchen un'ètra vôlta a dscårrer in bulgnaiṡ.

Giovannini Gaia:
Mé a vói cuntèr la stòria
d na ragazôla ch'la n in vlêva brîṡa
savair d inparèr a dscårrer al bulgnaiṡ,
quand l'êra cinéṅna.
Adès però la vôl fèr cuntént i nûn
ch'i i zairchen d insgnèr
ṡgirundlànd int i canp e int l ôrt.
Acsé am é vgnó la bèla idê
ed fèr ste tentatîv.

Gualandi Loris:
Poeṡî (as fà par dîr: un bèl curâg' a ciamèrla acsé!)

Al incuntrèri d ajîr d là e d ajîr,
incû i vôlen tótt dscårrer furastîr:
chi stûdia l inglaiṡ, tudàssc o franzaiṡ.
Bän, vlîv ch'a v al dégga?
Mé invêzi a vâg a scôla ed bulgnaiṡ!

Gualano Andrea: Quî ch'i cànten in dialàtt, quî ch'i scrîven däl poeṡî, ai é tótt un månnd in bulgnaiṡ qué ai Alemân. Mé ai ò inparè ed scultèr, ch'al n é mégga acsé fâzil, ed lèżer e anc ed scrîver un puctén (e adès ch'a i päns ai ò sänper magnè in bulgnaiṡ). Par dscårrer invêzi am vrà un pôc d eṡercézzi: quand tâchel al cåurs avanzè ed conversaziån?

Lanzarini Lidia: La scôla dal dialàtt la n me stóffa mâi, es la m fà scansèr lôrgna e guâi.

Lanzi Giacomo: Al bulgnaiṡ l é un pô difézzil, mo al rinpéss la båcca.

Leoni Luisa Enrica: Par la ṡghéssa, a se ṡbadâcia in dialàtt o in itagliàn?

Lolli Massimiliano:
Am pièṡ dimónndi ed sunèr la chitâra,
mo a èser intunè l'é dûra come gâra.
Mé a i prôv, mo al srêv pió fâzil par mé
ch'am carséss i cavî in vatta ala tèsta sparé.
Quand a cant, fòra i pasarén
i scâpen dai âlber e i se spargójjen piotòst int al żardén.
Alåura mé a pòg' la gâgia in vatta ala chitâra
e a m insónni d èser brèv cunpâgna Faustén: magâra.
E con quasst ai ò da ringrazièr
al profesåur e i bidî ch'avän fât danèr
con dmand dal tîp: "Mé ai ò sänper détt acsé, fâghia mèl?".
E vuèter a arspånnder: "Mo nå, mo in ptrugnàn però l é tótt un èter quèl".
Schêrz a pèrt, grâzie da bån,
parché ai ò inparè al giovedé d sîra a leziån
äl vochèl, i artéccuel, i vîrb, i prunómm e äl negaziån,
e am piaṡrêv che al cåurs al duréss un èter puctén
pròpri in ustarî, dnanz a un bån bichîr ed vén.

Maknouni Mehrchad: Al mèrit dl òmen l é int al sarvézzi e int äl virtó, e brîṡa int al lússo dl'abundanza e dla ricazza.

Malaguti Maria: Mé – ala nòt – a m insónni in dialàtt, mo al dé a dscårr såul in itagliàn. La mî nòna la gêva che quand una ragâza l'avêva la biziclatta e la savêva cûṡer e filèr, l'avêva una gran dôta e l'êra da spuṡèr; alåura cum êla che mé, ch'ai ò l'automòbil e la mâchina da cûṡer, a sån avanzè sänza maré?

Malavolti Giovanni: Quand a srän in cl èter månnd, al prà dèr ch'a ciacaraggna pió in dialàtt che in inglaiṡ o in itagliàn.

Mantecchini Graziella: Grâzie dimónndi al Profesåur Roberto Serra, parché adès ai ò quèṡi quèṡi inparè ed lèżer e scrîver in bulgnaiṡ!!

Menchise Serena: A n sån brîṡa ed Bulåggna, acsé ai ò pinsè ed fèr un cåurs ed bulgnaiṡ... A capéss anc pôc par dîr quall ch'é vaira, mo almànc d'adès inànz a sarò urdnèr pulîd un piât ed turtlén in Broadway... a vói dîr: in brôd!

Morini Franco: Dåpp ch'a sån andè a scôla ed bulgnaiṡ ai Alemân, a dscårr cunpâgna un lîber stanpè.

Mussi Paolo: Mé a sån aministradåur ed cunduménni, e tótt i dé ai ò da fèr con i rastî rótt, i żardén da curèr e äl pêrsit int i tûb. Vgnîr al Cåurs ed Bulgnaiṡ l é stè una liberaziån.

Mussi Valentina:
Adès ch'ai ò incôsa int l'uraccia,
mé a pòs dîr ch'a in sò pròpri na móccia;
par un òmen o un can,
dscårrer in dialàtt l é sänpr un bän!

Nazzari Maria Fiorella: Mé a trôv che l'idéa ed riunîrs regolarmänt par dscårrer in bulgnaiṡ l'é dimónndi bôna, såuratótt par chi, cunpâgna mé, al n à mâi bacajè in dialàtt.

Neri Lisa:
Che blazza andèr ai Alemân,
s't î furtunè t i cât anc Carpàn.
Grâzie dimónndi: a m sån divarté:
l é un pchè ch'al sía bèle finé!

Palazzo Luisa: A v vói arcurdèr di pruvêrbi ch'ai ò ascultè dala mî sôzra såura la blazza di fiû ed dû genitûr pûc bî: "Da di brótt zûc as i chèva däl bèli bràgguel", o só la blazza da cén ch'la n dûra brîṡa da grand: "Bèl in fâsa, brótt in piâza".
Un èter détt ch'la m gêva quand mé a vlêva fèr äl côs in fûria l êra: "Par la tròpa frazza, la gâta la fé i gatén ûrb". A v i ò arcurdè parché a sån sicûra ch'a i avî sintó a dîr dimónndi vôlt anc vuèter.

Prati Franco:
Turnèr a dscårrer in bulgnaiṡ,
dåpp a tant ân,
l é pròpri una bèla sudisfaziån:
l é cme turnèr a cà dåpp un gran viâż...

Mé a sån stè furtunè
cal dé ch'ai ò lèt in vatta al giurnèl
ch'ai é una scôla ed bulgnaiṡ.

Mé a sån stè furtunè
quand ai ò vésst al chèp bidèl
cuntèr tótt e fèr l apèl.

Mé a sån stè furtunè
quand ai ò vésst Bertén
spieghèr a tótt pulidén.

Mé a sån stè furtunè
quand ai ò ascultè Fausto Carpani
deliziarci con i suoi brani.

Mé a sån stè furtunè...
nå, nuèter a sän furtunè
a avair cgnusó dla żänt acsé.

Mé a sån dimónndi trésst,
ai ò finé d studièr
mo a sån avanzè al sòlit inbezéll.

Romagnoli Valerio: Qué mé ai ò inparè ch'l é pió inpurtànt stèr insàmm par bacajèr in bulgnaiṡ, che stèr da par sé a pinsèr. Grâzie dimónndi.

Sarti Davide: Fenalmänt ai ò anca mé un quèl da scrîver in vatta al curriculum: laureè in bulgnaiṡ!

Scaramagli Sergio:
Invêzi ed fèr i biasanòt, fè cme mé:
andè ai Alemân a inparèr al bulgnaiṡ.
Con tótt i sû azént e lanbécc l é pròpri un fricandò,
mo grâzie ai insgnamént ed Bertén al Profesåur al dvänta fâzil.
Dåpp ch'a l avî inparè, a n al mitèdi brîṡa in giazarén,
dscurîl tótt i dé quant l'é lónga la stmèna.
Grâzie al Profesåur, al Chèp-Bidèl e a tótta l'urganiżaziån,
e a tótt i artéssta ch'i an cuntè äl sô bèli stòri.
(A spêr d avair scrétt pûc stranbócc').

Al Cåurs ed Bulgnaiṡ a m sån divarté dimónndi.
A päns ch'a i gnarò anc st ètr ân.

Stanghellini Sergio: I dîṡen che l òmen in cà sô l é al padrån, mo mé ai ò da èser un gran quajån, parché cla dòna la m trâta cómm un garżån.

Stigliano Iacopo: Ste cåurs ai Alemân l é una dichiaraziån d amåur a Bulåggna, al sô bèl dialàtt e al tradiziån dal nòster pasè, pr an pêrder brîṡa la vójja ed seguitèr a dscårrer in bulgnaiṡ. A sån pròpri cuntänt d avair prinzipiè a studièr al dialàtt! Grâzie dimónndi al profesåur e a tótta la scuèdra.

Zoni Enrichetta: "Dí bän só, êl stè bèl al Cåurs ed Bulgnaiṡ?".
"Stà mò da sénter, ai êra un sâc ed bèla żänt, un profesåur żåuven mo pròpri brèv; a m sån divarté da mât".

Ala prémma pâgina

Và só

Pr andèr ala pâgina dal Cåurs ed Bulgnaiṡ

Pr andèr ala pâgina däl fotografî dal Cåurs 2002

Äl produziån di studént di cûrs dal 2002
Le produzioni degli studenti dei corsi 2002

1° livèl, 1° cåurs - 1° livello, 1° corso
Premavaira 2002 - Primavera 2002

1° livèl, 2° cåurs - 1° livello, 2° corso
Autón 2002 - Autunno 2002

Par vàdder äl fotografî dla cunsaggna di diplòma
Per vedere le foto della consegna dei diplomi

Äl produziån di studént di cûrs dal 2002 Le produzioni degli studenti dei corsi 2002

1° livèl, 1° cåurs - 1° livello, 1° corso Premavaira 2002 - Primavera 2002

1° livèl, 2° cåurs - 1° livello, 2° corso Autón 2002 - Autunno 2002

Par vàdder äl fotografî dla cunsaggna di diplòma Per vedere le foto della consegna dei diplomi

Äl produziån di studént di cûrs dal 2002
Le produzioni degli studenti dei corsi 2002

1° livèl, 1° cåurs - 1° livello, 1° corso
Premavaira 2002 - Primavera 2002

1° livèl, 2° cåurs - 1° livello, 2° corso
Autón 2002 - Autunno 2002

Par vàdder äl fotografî dla cunsaggna di diplòma
Per vedere le foto della consegna dei diplomi